பக்தமீரா தொடர்ச்சி (9)

25.

உடுத்தும் உடையிலும் நீ

வணங்கும் இறையிலும் நீ

உரசிச் செல்லும் காற்றிலும் நீ

என்னிலும் நீ எந்தன் பாட்டிலும் நீ 

26.

நீ எங்கே எங்கே என்று

தேடி அலையும் என் மனதில்

உன்னை முழுதும் நிறைந்தவன் நீ

காணும் பொருளினும் உன்னை

காண்பித்தவனும் நீ 

27.

கண்ணா கண்ணா என்று உருகி அழைக்க

மாயவனாய் வந்து மறைந்து போகும்

உந்தன் போக்கு வேண்டாம் கண்ணா

கண்ணாய் எந்தன் இமையாய்

என்றும் நீ இருந்துவிடு கண்ணா...

Tweet

பக்தமீரா தொடர்ச்சி (8)

22.

கண்ணனாய் பிறந்தாய் தேவகி துயர் தீர்த்தாய்

கீதையாய் மலர்ந்தாய் பாண்டவர் குறை தீர்த்தாய்

உனைச்சேராது வாழ்க்கை வீணென்றான போதும்

துறவியாய் வாழ வழிகாட்டுவாய் கண்ணா...

23. 

மலரும் மலர்களின் உள்ளிலும் உயிராய் நீ

கனவின் கற்பனையில் காதல்இணையாய் நீ

மதிமறந்த வேளையிலும் என்மனதில் நீ

என்னுள் உயர்ந்த உத்தமனே கண்ணா

24.

குழலூதி குறைகளை முற்றிலும் தீர்த்தாய்

மழலையாய் என்மனதில் நிறைந்து நின்றாய்

கேட்காது வரங்களை அள்ளிக் கொடுப்பவனே

கேட்கிறேன் உனையே தருவாய் என்றோ கண்ணா

Tweet

பக்தமீரா தொடர்ச்சி - 7

19. 

போராட்டமே என் வாழ்க்கை என்றானபோதும்

போராது இன்னும் இன்னல்கள் தந்தபோதிலும்

கோணாது என் மனம் அறிவாயோ நீயும்

கோபாலனே மனம்கவர் கள்வனே கண்ணா

20.

உண்ணும் கவளம் என் உள்ளிறங்கவில்லை

உள்ளிருந்து நீயும் எனை உண்ணவைப்பதில்லை

உன்னுயிராய் நான் வாழவேண்டி தானே

உனக்காய் ஜென்மம் எடுத்தேனே கண்ணா

21.

பாதைகள் நமது வேறானது என்றாலும்

ராதைகள் கூட்டமாய் உனைசூழ்ந்த போதிலும்

கோதையாய் உன்னை என்ணி நானும்

பேதைமீரா உன்காதலுக்காய் காத்திருப்பேன் கண்ணா

Tweet

பக்த மீரா - 6

16.

சேவைகள் உனக்கு செய்யவே அருள்புரிவாய்

வேதனைகள் என்றும் நீங்கிட அருள்வாய்

பேதைஎன் பிழை பொறுத்து காத்தருள்வாய்

தேரையாய் உனக்குள் நான் கண்ணா

17. 

மாயங்கள் எத்தனை செய்திட்ட போதிலும்

மாறாது என் அன்பு உனைவிட்டு என்றும்

மாதங்கள் வருடங்கள் எத்தனை ஆனாலும்

மாதவனே உனக்காய் காத்திருப்பேன் கண்ணா

18.

நல்லவன் நீ உலகம் அறிந்திடும் இதை

நல்வாழ்வு என்றும் உன்னுடன் வாழ்ந்திடவே

நற்பண்புகளுடன் பொறுமையாய் நானும் காத்திருந்து

நயமாய் உன்னுடன் சேர்ந்திடவே என்றும் கண்ணா.....

Tweet

பக்தமீரா தொடர்ச்சி (5)

13. 

கசடில்லா வெண்ணையாய் உருகினேன் நானும்

கள்ளமின்றி காதலை வளர்த்திட்டேன் நாளும்

கபடமில்லா மனதால் வசியம் செய்தவனே

காந்த கண்ணழகனே மன்னனே என் கண்ணா...

14. 

உலகமே என்னை பழித்திட்ட போதும்

உனக்காய் உயிர் வாழ்வேன் நானும்

உனதன்பை பெறவே இத்தனை தவமும்

உன்மனதில் உறையவே காத்திருப்பேன் கண்ணா 

15.

தாளாத துயர் எல்லாம் உனக்காய் பொறுத்தேன்

மழலையாய் உன்மடி சேரக் காத்திருந்தேன்

உன் பார்வை என்மீது படாதது ஏன் கண்ணா

கற்கண்டே சுவையே என் இனியக்கண்ணா

Tweet

பக்த மீரா தொடர்ச்சி... (4)

10.

உண்ணும்போதும் உன்நினைவே எனக்கு தந்தாய்

உறங்கும்பொழுதும் கனவாய் வந்து அணைத்தாய்

உயிரில்லா உடலாய் என்னை நடக்க விட்டாய்

உன்நாமமே சொல்லவைத்தாய் என்னை கண்ணா...

11. 

தேவகி வயிற்றில் ஜனித்தவன் நீயே

கோகுலத்தில் லீலைகள் புரிந்ததும் நீயே

பாஞ்சாலியின் துயர் தீர்த்ததும் நீயே

என்காதல் என்று உணர்வாய் கண்ணா?

12.

மன்னனுடன் வாழ்க்கை என்று ஆனபோதிலும்

மனதில் என்றும் நிலைத்து இருப்பவன் நீயே

மாயவனே உன்மனதில் இடமுண்டா எனக்கு

மீராவின் காதல் மறுப்பது ஏன் கண்ணா?

Tweet

பக்தமீரா பகுதி 3

7.
ராமனாய் பூவுலகை காத்தவனே அன்பனே
சாரதியாய் நின்று அர்ஜுனனைக் காத்தவனே
ஒரே ஒரு முறை என்னை ஏற்பாயோ நீயும்
உன்னில் என்னை தொலைப்பேனே நானும் கண்ணா

8.
என்னிதழ்கள் என்றும் துதிப்பது உன் நாமமே
என்னிதயம் பூஜிப்பது உன்னை என்றுமே
என் பாவங்கள் உன் பாதத்தில் தொலைக்க
உன்னையே சரண் என அடைந்தேன் கண்ணா

9.
உந்தன் ஸ்பரிசம் தீண்ட நானும் வேண்டி
உயிராய் உருகி நிற்பேன் காலங்கள் கோடி
உன் கருணை என்றே காத்திருந்து நானும்
உன்னடியே சேர்வேன் உறுதி இது கண்ணா...

Tweet

பக்தமீரா தொடர்ச்சி....

4.
துன்பத்தில் என்றும் துணை நின்றவனே
துக்கங்கள் என்னை சேராது காத்தவனே
துடித்த இதயத்தில் என்றும் நிறைந்தவனே
துளியும் மாறாத அன்பு என்பேன் கண்ணா...

5.
விளையாட்டு குழந்தை நீயோ மதுசூதனா
மனதில் கள்ளம் மறைக்காதவன் நீயென்பேன்
உன்னை துதிக்கையில் என்னை மறந்தேன்
இன்னும் என்னை நோகவைப்பதும் ஏனோ கண்ணா?

6.
அசுரர்கள் ஆணவம் அழித்தாய் அன்று
அன்பெனும் இதயத்தில் மலர்வாய் என்று
கன்னத்தில் முத்தமிட்டு மகிழ துடித்து
காத்திருக்கும் மீராவை ஏமாற்றாதே கண்ணா

Tweet

பக்தமீரா...

1.
வாழும் நொடிகளில் உன் நினைவன்றி ஏதுமில்லை
சொர்க்கம் தேடி வழி அறிந்ததில்லை என்றும்
மீராவாய் உந்தன் மனம் சென்றடைந்து
நீயே நானாய் என்றாவேன் கண்ணா?

2.
உயிராய் உன்னை நினைத்ததாலே நானும்
என்னை உனக்கு இன்முகத்தோடு தந்தேன்
தளிர்நடையிட்டு என்னை மயக்கிய மாதவா
புன்னகை பூக்களால் சீராட்டு கண்ணா....

3.
உன் மௌனம் என்று கலையும் சொல்நீ
பாராட்டி சீராட்டி என் மடி சேர்வதெப்போது
வாழ்த்தி பாமாலைகள் பலநூறு சூட்டி
சேயாக உன்னை நானணைத்தேன் கண்ணா...

Tweet